ab ye sochun to bhanwar zehn mein paD jate hain | Mohsin Naqvi | محسن نقوی

اب یہ سوچوں تو بھنور ذہن میں پڑ جاتے ہیں کیسے چہرے ہیں جو ملتے ہی بچھڑ جاتے ہیں کیوں ترے درد کو دیں تہمت ویرانئ دل زلزلوں میں تو بھرے شہر اجڑ جاتے ہیں موسم زرد میں اک دل کو بچاؤں کیسے ایسی رت میں تو گھنے پیڑ بھی جھڑ جاتے ہیں اب کوئی کیا مرے قدموں کے نشاں ڈھونڈے گا تیز آندھی میں تو خیمے بھی اکھڑ جاتے ہیں شغل ارباب ہنر پوچھتے کیا ہو کہ یہ لوگ پتھروں میں بھی کبھی آئنے جڑ جاتی ہیں سوچ کا آئنہ دھندلا ہو تو پھر وقت کے ساتھ چاند چہروں کے خد و خال بگڑ جاتے ہیں شدت غم میں بھی زندہ ہوں تو حیرت کیسی کچھ دیئے تند ہواؤں سے بھی لڑ جاتے ہیں وہ بھی کیا لوگ ہیں محسنؔ جو وفا کی خاطر خود تراشیدہ اصولوں پہ بھی اڑ جاتے ہیں ab ye sochun to bhanwar zehn mein paD jate hain kaise chehre hain jo milte hi bichhaD jate hain kyun tere dard ko den tohmat-e-virani-e-dil zalzalon mein to bhare shahr ujaD jate hain mausam-e-zard mein ek dil ko bachaun kaise aisi rut mein to ghane peD bhi jhaD jate hain ab koi kya mere qadmon ke nishan DhunDega tez aandhi mein to KHeme bhi ukhaD jate hain shaghl-e-arbab-e-hunar puchhte kya ho ki ye log pattharon mein bhi kabhi aaine jaD jati hain soch ka aaina dhundla ho to phir waqt ke sath chand chehron ke KHad-o-KHal bigaD jate hain shiddat-e-gham mein bhi zinda hun to hairat kaisi kuchh diye tund hawaon se bhi laD jate hain wo bhi kya log hain 'mohsin' jo wafa ki KHatir KHud-tarashida usulon pe bhi aD jate hain