Agar ye sab kuchh nahin | Ahmed Faraz

ملے تو ہم آج بھی ہیں لیکن نہ میرے دل میں وہ تشنگی تھی کہ تجھ سے مل کر کبھی نہ بچھڑوں نہ آج تجھ میں وہ زندگی تھی کہ جسم و جاں میں ابال آئے نہ خواب زاروں میں روشنی تھی نہ میری آنکھیں چراغ کی لو نہ تجھ میں ہی خود سپردگی تھی نہ بات کرنے کی کوئی خواہش نہ چپ ہی میں خوبصورتی تھی مجسموں کی طرح تھے دونوں نہ دوستی تھی نہ دشمنی تھی مجھے تو کچھ یوں لگا ہے جیسے وہ ساعتیں بھی گزر گئی ہیں کہ جن کو ہم لا زوال سمجھے وہ خواہشیں بھی تو مر گئی ہیں جو تیرے میرے لہو کی حدت کو آخرش برف کر گئی ہیں محبتیں شوق کی چٹانوں سے گھاٹیوں میں اتر گئی ہیں وہ قربتیں وہ جدائیاں سب غبار بن کر بکھر گئی ہیں اگر یہ سب کچھ نہیں تو بتلا وہ چاہتیں اب کدھر گئی ہیں agar ye sab kuchh nahin | Ahmed Faraz mile to hum aaj bhi hain lekin na mere dil mein wo tishnagi thi ki tujh se mil kar kabhi na bichhDun na aaj tujh mein wo zindagi thi ki jism-o-jaan mein ubaal aae na KHwab-zaron mein raushni thi na meri aankhen charagh ki lau na tujh mein hi KHud-supurdagi thi na baat karne ki koi KHwahish na chup hi mein KHub-surati thi mujassamon ki tarah the donon na dosti thi na dushmani thi mujhe to kuchh yun laga hai jaise wo saaten bhi guzar gai hain ki jin ko hum la-zawal samjhe wo KHwahishen bhi to mar gai hain jo tere mere lahu ki hiddat ko aaKHirash barf kar gai hain mohabbaten shauq ki chaTanon se ghaTiyon mein utar gai hain wo qurbaten wo judaiyan sab ghubar ban kar bikhar gai hain agar ye sab kuchh nahin to batla wo chahaten ab kidhar gai hain