اردو ہے مرا نام میں خسروؔ کی پہیلی
میں میرؔ کی ہم راز ہوں غالبؔ کی سہیلی
دکن کے ولیؔ نے مجھے گودی میں کھلایا
سوداؔ کے قصیدوں نے مرا حسن بڑھایا
ہے میرؔ کی عظمت کہ مجھے چلنا سکھایا
میں داغ کے آنگن میں کھلی بن کے چنبیلی
اردو ہے مرا نام میں خسروؔ کی پہیلی
غالبؔ نے بلندی کا سفر مجھ کو سکھایا
حالیؔ نے مروت کا سبق یاد دلایا
اقبالؔ نے آئینۂ حق مجھ کو دکھایا
مومنؔ نے سجائی مرے خوابوں کی حویلی
اردو ہے مرا نام میں خسروؔ کی پہیلی
ہے ذوقؔ کی عظمت کہ دیے مجھ کو سہارے
چکبستؔ کی الفت نے مرے خواب سنوارے
فانیؔ نے سجائے مری پلکوں پہ ستارے
اکبرؔ نے رچائی مری بے رنگ ہتھیلی
اردو ہے مرا نام میں خسروؔ کی پہیلی
کیوں مجھ کو بناتے ہو تعصب کا نشانہ
میں نے تو کبھی خود کو مسلماں نہیں مانا
دیکھا تھا کبھی میں نے بھی خوشیوں کا زمانہ
اپنے ہی وطن میں ہوں مگر آج اکیلی
اردو ہے مرا نام میں خسروؔ کی پہیلی
urdu hai mera nam main 'KHusraw' ki paheli
main 'mir' ki hamraaz hun 'ghaalib' ki saheli
dakkan ke 'wali' ne mujhe godi mein khelaya
'sauda' ke qasidon ne mera husn baDhaya
hai 'mir' ki azmat ki mujhe chalna sikhaya
main dagh ke aangan mein khili ban ke chameli
urdu hai mera nam main 'KHusraw' ki paheli
'ghaalib' ne bulandi ka safar mujh ko sikhaya
'haali' ne murawwat ka sabaq yaad dilaya
'iqbaal' ne aaina-e-haq mujh ko dikhaya
'momin' ne sajai mere KHwabon ki haweli
urdu hai mera nam main 'KHusraw' ki paheli
hai 'zauq' ki azmat ki diye mujh ko sahaare
'chakbast' ki ulfat ne mere KHwab sanware
'fani' ne sajae meri palkon pe sitare
'akbar' ne rachai meri be-rang hatheli
urdu hai mera nam main 'KHusraw' ki paheli
kyun mujh ko banate ho tassub ka nishana
main ne to kabhi KHud ko musalman nahin mana
dekha tha kabhi main ne bhi KHushiyon ka zamana
apne hi watan mein hun magar aaj akeli
urdu hai mera nam main 'KHusraw' ki paheli
کوئی تبصرے نہیں:
ایک تبصرہ شائع کریں