سمع خراشی

اس بلاگ کا بنیادی مقصد تو میری کی ہوئی سمع خراشی کو یکجا کرنا تھا۔ ماضی میں جتنا یہاں وہاں، ادھر اُدھر لکھا اس کے یا تو بچوں نے جہاز بنا کر اڑادئیے یا ردی کی نذر ہوگئے۔ چینی زبان کا ایک مقولہ ہے کہ پھیکی سے پھیکی روشنائی اچھے سے اچھے حافظے سے بدرجہا بہتر ہے۔ لیکن روایتی کاغذ اور روشنائی کی وجہ سے بہت سا کام ضائع کرچکا ہوں اسلئے یہ طریقہ آزما رہا ہوں۔ دعا گو ہوں کہ اب کی بار ای میل کا پاس ورڈ نہ بھول جائے۔ تنقید و اصلاح کی مکمل آزادی ہے۔

ہفتہ، 20 اکتوبر، 2018

تھام کر ہاتھ چلا عشق ہو رہبر جیسے

ہم نہ تھے طالع مسعود سکندر جیسے

اور دنیا بھی نہ چھوڑی ہے قلندر جیسے

جب تیرے در سے اٹھائے گئے محسوس ہوا

آسماں زور سے پٹخا ہو زمیں پر جیسے

آنکھ چھلکی ہے تمہیں دیکھ کے حیران نہ ہو

چودھویں رات کو بپھرا ہو سمندر جیسے

کیسے گزرے ہیں شب و روز بچھڑ کر تم سے

صبح تا شام چلے جسم پہ خنجر جیسے

میں بھی پیاسا تھا ذرا دید کی خواہش کرکے

حلق میں تیر لگا ہے علی اصغر جیسے

سیف معلوم نہ تھے دشت کے رستے پہلے

تھام کر ہاتھ چلا عشق ہو رہبر جیسے

سیف اللہ خان مروت

سمع خراشی

ہفتہ، 20 اکتوبر، 2018

تھام کر ہاتھ چلا عشق ہو رہبر جیسے

کوئی تبصرے نہیں:

ایک تبصرہ شائع کریں

ye zabta hai ki baatil ko mat kahun baatil | ضابطہ | Habib Jalib

صفحات

یہ بلاگ تلاش کریں